გამოკითხვა

გადავწყვიტე გამეგო სხვადასხვა ფენისა და ასაკის ადამიანების აზრი აზარტულ თამაშებთან დაკავშირებით და ჩავატარე გამოკითხვა. 

გამოკითხვა ჩავატარე რუსთაველზე ყოფილი ფოსტის შენობასთან. 

გამოკითხვა ჩავატარე იმ ადამიანებში, რომლებიც იყვნენ 21 წლიდან ზემოთ

 და ვუსვამდი შემდეგ კითხვებს:

უნდა იყოს თუ არა კაზინოები საქართველოში. უთამაშიათ თუ არა თვითონ

 და თუ არა აპირებენ თუ არა ოდესმე თამაშს.

გამოკითხულთა დაახლოებით 60-მა პროცენტმა მიპასუხა რომ უთამაშია 

დაახლოებით 40-მა პროცენტმა კი მიპასუხა, რომ არ უთამაშია თუმცა მათი 

~უმეტესი ნაწილი არ გამორიცხავს იმას, რომ შეიძლება ითამაშოს. ხოლო რაც

 შეეხება იმ კითხვას უნდა იყოს თუ არა კაზინოები საქართველოში, 

გამოკითხულთა დაახლოებით 40 პროცენტი, რომლებმაც თქვეს, რომ არ 

უთამაშიათ, ამბობს რომ სულერთია მათთვის დახურავენ თუ არა კაზინოებს.

 ხოლო გამოკითხულთა 60%-ის უმრავლესობა, რომლებიც გამოგვიტყნენ,

 რომ უთამაშიათ თვლიან, რომ აუცილებლად უნდ ადაიკეტოს კაზინოები.

კაზინოები საქართველოში (ჰიპერლინკებით)

ფსიქოლოგი ჯანა ჯავახიშვილი

- აზარტულ თამაშებზე დამოკიდებულება არის ქრონიკული დაავადება.  როგორც ნარკოტიკული საშუალებების რამდენჯერმე გასინჯვის შემდეგ  ადამიანი ხდება მასზე  დამოკიდებული, ასევეა აზარტული თამაშების შემთხვევაშიც.  აზარტული თამაშების დროს, ადგილი აქვს არაქიმიური დამოკიდებულების  ფორმას, ანუ ფსიქიკურ მიჯაჭვულობას, როცა ადამიანი თავის ქცევას ვეღარ  აკონტროლებს. ფიზიკური დამოკიდებულების დროს ადამიანის ორგანიზმი  ეჩვევა ამა თუ იმ პრეპარატს, ქიმიურ ნივთიერებას და ხდება მასზე  დამოკიდებული. უკონტროლო ქცევას ეწირება ადამიანის ცხოვრების სხვა  ღირებულებები. აზარტული თამაშები დაკავშირებულია ფინანსურ  დანახარჯებთან და ამის შედეგად ადამიანი მიდის ფიზიკურ ბანკროტამდე.  თამაშებში ჩათრეული ადამიანი კარგავს საცხოვრებელს, სხვა მატერიალურ ღირებულებებს და საბოლოოდ, სულიერ განადგურებამდე მიდის.

მსახიობი ზურა ყიფშიძე

- აზარტული თამაშებით დაინტერესება იგივეა, რაც ჭაობში ფეხის ჩადგმა. ადამიანს ისე შეიყოლიებს, რომ ამ სიბინძურედან გამოსვლა შემდეგ ძალიან უჭირს. ხშირად ვყოფილვარ კაზინოში, როგორც ჩვენს ქვეყანაში, აგრეთვე უცხოეთშიც. კონკრეტულად თანხა არ მახსოვს, მაგრამ უფრო მეტი, რა თქმა უნდა, წამიგია, ვიდრე მომიგია.

მამა დავითი

- როდესაც ადამიანი აზარტული თამაშებისკენ არის მიდრეკილი, ეს ნიშნავს, რომ იგი შეპყრობილია ეშმაკით. მოთამაშე თავისი ნებით იღუპავს სულს. უნდა გვესმოდეს, რომ ადამიანი როდესაც კაზინოში, ტოტალიზატორში ან სხვა მსგავს დაწესებულებაში შედის, ამით ეშმაკს დღესასწაულს უძღვნის. აზარტული თამაშების გამო, მრავალი ადამიანი წარწყმედილა, დაღუპულა და ამით ნაშოვნი ფული ყოვლად მიუღებელია. როგორც პავლე მოციქული ამბობს, ვინც არ შრომობს, მან არ ჭამოს, ეს ნიშნავს იმას, რომ საკუთარი ოფლით ნაშრომი ფულით უნდა არჩინოს კაცმა ოჯახი და არა კაზინოში თუ ტოტალიზატორში მოგებულით, მით უმეტეს, როცა ამგვარ დაწესებულებაში მისვლით, აზარტული მოთამაშე პირიქით, იქით აგებს ფულს და არა იგებს. ადამიანი ფულის მოყვარეა, ეშმაკი ამით სარგებლობს და უბრალო მოკვდავს ამდაგვარ საცდუნებელს აძლევს. მაგრამ თუ კაცი ძლიერია, უფლის მოშიშია, ცხოვრობს ქრისტიანულად, ლოცულობს, მარხულობს, მასზე ეშმაკი ვერასდროს გაიმარჯვებს.

ვახტანგ ტატიშვილი, ანსამბლი “ივერია”

- მე თუ მკითხავთ კაზინოში, ტოტალიზატორში და სხვა ამგვარ დაწესებულებებში ნორმალური კაცი საერთოდ არ უნდა შედიოდეს. კაზინოში ჰოლანდიაში, აშშ-სა და საქართველოშიც ვყოფილვარ. ძირითადად, “რულეტკა” მითამაშია, ისიც დიდ ფულზე არასდროს. დავდებდი ჯერ ცოლის დაბადების დღის რიცხვზე თანხას, შემდეგ შვილების და ა.შ. სადამდეც მეყოფოდა. გამითავდებოდა ფული და მოვდიოდი ჯიბეგაფხეკილი სახლში. მაქსიმუმ 100-200 დოლარით თუ წავსულვარ კაზინოში. ძალიან იშვიათად ყოფილა, ფული რომ მომეგოს. ერთხელ იყო შემთხვევა და 400 დოლარი მოვიგე. რა თქმა უნდა, წაგება უფრო ხშირად მქონია, ვიდრე მოგება. ხშირად მეგობრები, ანსამბლის წევრები ვიკრიბებით და პრეფერანსს ვთამაშობთ. ეს არის ჩემი გართობა. როდესაც უცხოელი სტუმარი გვყავს და მას კაზინოში წასვლა სურს, ხშირად ამიტომ მივდივართ ხოლმე. ბოლო 2-3 წელიწადია, კაზინოში საერთოდ არ ვყოფილვარ. თუ მაინცდამაინც, ჯანდაბას, კაზინოები იყოს, ოღონც ქალაქგარეთ. უცხოეთში ეს ძალიან მიღებული პრაქტიკაა. ვისაც ფული აქვს, ჩაიდებს ჯიბეში 5-10 ათას დოლარს, წავა, მაგალითად, გუდაურში და ითამაშებს. აბა, ჩვენთან, გენაცვალე, ვიღაც გაჭირვებული 10 ლარით შედის კაზინოში და ჰგონია, 100 ლარს მოიგებს. ამ დროს კი ისე გამოდის, რომ “მარშრუტკის” ფულიც არა აქვს, სახლში რომ დაბრუნდეს. ასეთ ფეშენებელურ კაზინოს რომ აშენებს კაცი, ხარჯავს მილიონობით დოლარს, სულელი იქნება, მოთამაშეებს ფული რომ მოაგებინოს. ალბათობა იმისა, რომ მოთამაშემ კაზინოში ფული მოიგოს ძალიან მცირეა. მოგეხსენებათ, რომ კაზინოში არც საათი არსებობს და არც ფანჯარა, აზარტში მყოფ ადამიანს დროის განსაზღვრა აღარ შეუძლია და მიდის უკანასკნელი გროშების დახარჯვამდე. იშვიათად მეგულება ადამიანი, თამაშისას საკუთარი თავის კონტროლი რომ შეეძლოს.

ლუდომანი, იგივე აზარტული თამაშების მოყვარული ადამიანი ჩვენს 

ქვეყანაში საკმაოდ მრავლადაა. იშვიათად მოიძებნება ადამიანი, რომლის 

გარემოცვაში აზარტული თამაშების მანიით შეპყრობილი ერთი ადამიანი 

მაინც არ იყოს. სამწუხარო ის არის, რომ ლუდომანიით დაავადებული 

ადამიანი ხშირად მთელი ფინანსური რესურსის დაკარგვის სანაცვლოდ 

იღებს აზარტით მინიჭებულ სიამოვნებას. ხშირია ფაქტები, როდესაც 

მოთამაშეს უძრავი თუ მოძრავი ქონების გაყიდვით აღებული ფული წაუგია 

კაზინოში და თვითმკვლელობით დაუსრულებია სიცოცხლე.…

რამდენად შესაძლებელია აზარტული თამაშებისგან 

ფსიქოდამოკიდებულების მოხსნა და რამდენად დიდი ზიანი მოაქვს აზარტს

 ლუდომანებისთვის – მოდით ამ თემაზე სხვადასხვა პროფესიის

 ადამიანების

 აზრიც გავიგოთ

სლოტები

ჩარლზს ფეი და თავისუფლების ზარი

სლოტების ისტორია იწყება პირველი მექანიკური სლოტის მანქანით, რომელსაც თავისუფლების ზარი ერქვა. იგი 1895 წელს გამოიგონა ავტომობილის მექანიკოსმა ჩარლზს ფეიმ (ცხოვრების წლები 1862-1944) შეერთებული შტატების ლამაზი ქალაქი სან ფრანცისკოდან. თავისუფლების ზარს ჰქონდა 3 მბრუნავი დისკო. ამ 3 მბრუნავ დისკოზე გამოსახული იყო კარტების სიმბოლოები, კერძოდ ჯვარი, აგური, ყვავი და გული, ხოლო დამატებით თითო დისკოს ჰქონდა დახატული თავისუფლების გაბზარული ზარი. იმ შემთხვევაში თუ სამივე დისკოზე ერთად ეს გაბზარული თავისუფლების ზარი ამოვიდოდა, მოთამაშე იგებდა ყველაზე დიდ ფსონს, რაც ჯამში ორმოცაათ ცენტს უდრიდა (ანუ სულ 10 ცალი 5 ცენტიანი მონეტა).

ორიგინალური, პირველი და განუმეორებელი თავისუფლების ზარის ხილვა დღესდღეობით შესაძლებელია Liberty Belle Saloon & Restaurant რესტორანში ამერიკის შეერთებული შტატების ნევადის შტატის ქალაქ რენოში. ჩარლზს ფეის მიერ შექმნილი სხვა განთქმუნი სლოტ მანქანები არის Draw Power, Three Spinde და Klondike. 1901 წელს ჩარლზს ფეიმ გამოიგონა პირველი პოკერის აპარატი. მისივე სახელთან არის დაკავშირებული ყალბი მონეტების შესამოწმებელი ავტომატური დანადგარის გამოგონებაც, რომელიც ამოწმებდა აპარატში ჩაშვებული ხურდის სინამდვილეს, რათა არ მომხდარიყო ყალბი მონეტების და სუროგატების მიღება. ფეი აქირავებდა თავის აპარატებს სხვადასხვა ბარებსა და სალუნებში და 50% იან მოგების წილს იღებდა მეპატრონეებისგან.

რულეტკა

მოთამაშეებს შორის ერთ–ერთი გავრცელებული ლაგენდის თანახმად, რულეტკა გამოიგონა ცნობილმა ფრანგმა ფილოსოფოსმა და მათემატიკოსმა პასკალმა. იგი სრულებითაც არ აპირებდა აზარტული თამაშებისთვის მოწყობილობის შექმნას. უბრალოდ მისი გამოგონება გამოიყენეს ადამიანებმა, რომელთაც გააჩნდათ არა მეცნიერული, არამედ კომერციული ალღო. 

მეორე გავრცელებული ლეგენდის თანახმად პარიზელმა ფრანსუა ბლანმასული მიჰყიდა ეშმაკს რულეტკის საიდუმლოსთვის. ამის დამამტკიცებლად მოჰყავთ რულეტკის ყველა ნომრის ჯამი, რომელიც შეადგენს 666.

რულეტკის ბორბალი, რომელიც თავიდან ტრიალებდა გაჩერდა 1789 წელს, როდესაც საფრანგეთის რევოლუციის დროს მთავრობამ გამოსცა ბრძანება, რომლის მიხედვითაც იკრძალებოდა ყველა აზარტული თამაშები.

ნაპოლეონის სათავეში მოსვლის შემდეგ სათამაშო სახლები კვლავ გაიხსნა. მაგრამ მათ დიდხანს არ უმუშავია. 1839 წელს საფრანგეთის ყველა სათამაშო სახლი კვლავ დაიხურა. მაგრამ ამ დროისათვის რულეტკა უკვე გავრცელებული იყო მთელს მსოფლიოში.

1861 წელს ფრანსუა ბლანი ხსნის პირველ კაზინოს მონაკოში. მაშინ, როდესაც 1873 წელს დაიხურა უმეტესობა ევროპული სათამაშო სახლები, მონაკო ხდება სათამაშო ბიზნესის ოფიციალური დედაქალაქი.

მონტე–კარლოში შენდება უზარმაზარი სასახლე, სადაც მთელი მსოფლიოდან იკრიბება უამრავი მოთამაშე ბედის საძებნად. 

ტყვედ ჩაგდებული ფრანგი ტყვებისგან თურქეთის სულთანი სელიმ III იგებს რულეტკის შესახებ და სპეციალურად აგზავნის თავის წარმომადგენლებს უცხოეთში მისი დამზადების ტექნოლოგიის შესასწავლად. ინდოეთში კი, რულეტკა შეიტანეს ბრიტანელმა დიპლომატებმა.

poker

პოკერის წესების და მისი სახელის წარმოშობასთან დაკავშირებით დღესაც მიმდინარეობს კამათი, რადგან დაზუსტებული ინფორმაცია არ არსებობს. ერთერთი ვერსიით თამაშის სახელწოდება მომდინარეობს გერმანული სიტყვიდან pochen– რაც კაკუნს ნიშნავს. პირველი მონაცემები პოკერის მსგავს თამაშზე ნახსენებია მე–16 საუკუნეში.

პოკერი როგორც თამაში უკვე 500 წელზე მეტია რაც არსებობს. იგი წარმოიშვა ევროპაში,  მაგრამ პოკერის წესები იყო დღევანდელისგან განსხვავებული. დროთა განმავლობაში პოკერის წესები იხვეწებოდა. პირველი წერილობითი მასალა პოკერის წესების შესახებ არის 1829 წელს ჯო კაუელის  (მსახიობი) დაწერილი მემუარები  .  1834 წლიდან პოკერის თამაში დაიწყეს 54 კარტიანი დასტით.

პოკერი ითვლებოდა ამერიკის ნაციონალურ თამაშად. დღესაც ის ყველაზე პოპულარული და გავრცელებული თამაშია აშშ–ში .

ყოველდღიურად ტარდება პოკერის სხვადასხვა სახის ტურნირები. ყველაზე გამორჩეული და მნიშვნელოვანი ტურნირი არის WSOP  – World Series of Poker

აზარტული თამაშები და ქართველი ახალგაზრდობა

დღევანდელ საქართველოში ახალგაზრდობა აქტიურად არიან ჩამბულნი აზარტულ თამაშებში, რულეტკა, პოკერები და სხვა მრავალი მათგანი, ხშირად ხდება სხვადასხვა პრობლემის სათავე. 
როგორც წესი თამაში უბრალოდ გართობის მიზნით იწყება, თუმცა მალევე ნარკოტიკივით ხდება, რაც უფრო მეტს თამაშობ, მით უფრო გიჭირს მისთვის თავის დანებება.